Especies marisqueiras e pesqueiras

O longueirón (Ensis siliqua) é un bivalvo similar á navalla. Vive en zonas menos profundas que esta, e diferénciase da mesma por que as súas dúas cunchas son rectas. Na Ría de Pontevedra existen bancos de longueirón nas proximidades da desembocadura do Río Lérez, e en menor medida nas praias próximas a Portonovo e Sanxenxo, onde fai uns anos eran especialmente abundantes. Os mariscadores capturan esta especie mediante mergullo en apnea. A súa carne é algo menos apreciada que a da navalla.