A Confraría de Bueu participa no Proxecto "Mar Sustentable" da Federación de Confrarías de Pontevedra.

Enviado por agarazo en Lun, 09/03/2009 - 18:00.

PROXECTO DE MELLORA DA XESTIÓN E EXPLOTACIÓN DO POLBO NAS RIAS BAIXAS: PLAN DE EXPLOTACIÓN SOSTIBLE DA PESQUEIRA DE POLBO (Octopus vulgaris)

Proxecto: Mar Sustentable

Que é?

Mar Sustentable pretende desenvolver un plan de xestión da pesqueira do polbo sostible desde os puntos de vista biolóxico, económico e ambiental, coa participación dos actores implicados na pesqueira (pescadores, administración, e científicos).

Principais obxectivos específicos:

- Involucrar ao sector produtivo na participación e toma de decisións da explotación do recurso.

- Coñecer de primeira man os gastos económicos reais da flota de nasa de polbo e buscar solucións para minimizar os mesmos.

- Implementar na xestión da pesqueira un plan de vixilancia sostible economicamente no tempo.
Tomaranse como zonas de estudo as Rías de Vigo e Pontevedra e informándose ao resto de Confrarías da Provincia dos avances alcanzados.

Importancia da participación do sector:
O proxecto está suscitado para que o sector extractivo sexa o principal actor. Por tanto, a súa colaboración será imprescindible para:

- Recompilar datos nas enquisas que se realizarán.

- Convocar e participar nas reunións necesarias para a execución do proxecto.

- Facilitar o labor dos mostradores (observadores biólogos).

- Identificar aos principais activos para a recuperación do saber tradicional.

- Participar activamente na consecución dos obxectivos marcados.

- Achegar ideas, opinións, críticas para deseñar un plan participativo.

Participantes e duración:

O proxecto está impulsado pola Federación Provincial de Confrarías de Pontevedra (Representando ao sector).
Participa ademais a Consellería de Pesca e Asuntos Marítimos:
Dirección Xeral de Recursos Mariños: Unidade Técnica de Pesca de Baixura (UTPB).
Dirección Xeral de Innovación e Desenvolvemento Pesqueiro (Servizo de Estudos Pesqueiros).

O proxecto executarase desde mediados de 2008 a mediados de 2010.
Este proxecto está financiado cunha axuda da Consellería de Pesca e Asuntos Marítimos.